(កំពង់ធំ)៖ ប្រទេសកម្ពុជា ជាប្រទេសមួយដែលទទួលការជន់លិចដោយទឹកទន្លេមេគង្គ និងជំនន់ទឹកភ្លៀងស្ទើរតែជារៀងរាល់ឆ្នាំ។ ការជន់លិចនេះ ក្រៅតែពីធ្វើឱ្យប៉ះពាល់ដល់ផលដំណាំហើយ វាក៏បានបង្កការជន់លិចផ្ទះសម្បែងរបស់ប្រជាពលរដ្ឋផងដែរ។ នៅពេលមានទឹកជំនន់ម្តងៗប្រជាពលរដ្ឋរាប់រយគ្រួសារត្រូវបានជម្លៀសទៅរកទីទួលសុវត្ថិភាព។ បញ្ហាប្រឈមរបស់ពួកគេពេលជម្លៀសទៅទីទួលសុវត្ថិភាពនោះ គឺខ្វះទីជម្រក ខ្វះបង្គន់អនាម័យ និងខ្វះទឹកស្អាតប្រើប្រាស់ជាដើម។ ដើម្បីដោះស្រាយបញ្ហាប្រឈមនេះ រាជរដ្ឋាភិបាលកម្ពុជា តាមរយៈគណៈកម្មាធិការជាតិគ្រប់គ្រងគ្រោះមហន្តរាយ ដោយមានកិច្ចគាំទ្រពីអង្គការស្បៀងអាហារពិភពលោក ក្រោមការជ្រោមជ្រែងពីរដ្ឋាភិបាលជប៉ុននោះ បានសម្រេចសាងសង់អគារទីទួលសុវត្ថិភាព ដើម្បីសម្រួលដល់ការស្នាក់អាស្រ័យរបស់ប្រជាពលរដ្ឋពេលជម្លៀសពីទឹកជំនន់។ តាមរយៈកិច្ចសហប្រតិបត្តិការរវាងគណៈកម្មាធិការជាតិគ្រប់គ្រងគ្រោះមហន្តរាយ និងអង្គការស្បៀងអាហារពិភពលោក ក្រោមការជួយឧបត្ថម្ភថវិកាដោយរដ្ឋាភិបាលជប៉ុននោះ អគារទីទួលសុវត្ថិភាពចំនួន៦ហើយ ត្រូវបានសាងសង់រួចរាល់ ដោយចំណាយថវិកាជាង ១លានដុល្លារអាមេរិក។ ខេត្តដែលត្រូវបានសាងសង់អគារទីទួលសុវត្ថិភាពនេះ រួមមានខេត្តពោធិ៍សាត់ កំពង់ធំ និងកំពង់ឆ្នាំង។ ទីទួលសុវត្ថិភាពនេះ ត្រូវបានធ្វើឡើងស្របតាមបទដ្ឋានអន្តរជាតិ ដោយមានបំពាក់ឧបករណ៍ការពាររន្ទះ, ផ្ទះបាយ, បន្ទប់ទឹកស្រី-ប្រុស, កន្លែងផ្គត់ផ្គង់ទឹកស្អាតប្រើប្រាស់, កន្លែងបោក និងអាលខោអាវ, កន្លែងលាងដៃ, កន្លែងក្មេងលេង, ឃ្លាំងសម្ភារៈ និងបំពាក់ម៉ាស៊ីនភ្លើងជាដើម។ អគារទីទួលសុវត្ថិភាពក្នុងខេត្តពោធិ៍សាត់ត្រូវបានសម្ពោធដាក់ឱ្យប្រើប្រាស់នៅថ្ងៃទី២១ ខែឧសភា ឆ្នាំ២០២១។ រីឯអគាទីទួលសុវត្ថិភាពក្នុងខេត្តកំពង់ធំ ត្រូវបានសម្ពោធដាក់ឱ្យប្រើប្រាស់នៅថ្ងៃទី២២ ខែឧសភា ឆ្នាំ២០២១នេះ ក្រោមអធិបតីភាពលោកទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ, លោក ការិម៉ាតា អាត្សឹស៊ី ឧបការីស្ថានទូតជប៉ុន និងលោកស្រី ឃ្លែរ ខូណាន់ នាយិកាអង្គការកម្មវិធីស្បៀងអាហារពិភពលោកប្រចាំកម្ពុជា។ កម្មវិធីនេះ ក៏មានការចូលរួមពីលោក សុខ លូ អភិបាលខេត្តកំពង់ធំ ព្រមទាំងមន្ត្រីរាជការក្នុងខេត្តមួយចំនួនទៀត។ លោកទេសរដ្ឋមន្ត្រី គន់ គីម បានថ្លែងអបអរសាទរចំពោះសមិទ្ធផលអគារទីទួលសុវត្ថិភាពទាំងនេះ។ លោកបានលើកឡើងថា រាជរដ្ឋាភិបាលកម្ពុជា ដែលដឹកនាំដោយសម្តេចតេជោ ហ៊ុន សែន តែងតែគិតគូរខ្ពស់លើការងារប្រយុទ្ធប្រឆាំងនឹងគ្រោះមហន្តរាយ។ បន្ថែមពីលើនោះ ជារៀងរាល់ឆ្នាំនៅពេលមានគ្រោះមហន្តរាយ ដូចជាករណីជំនន់ទឹកភ្លៀងកាលពីឆ្នាំ២០២១ សម្តេចតេជោ ហ៊ុន សែន និងមន្ត្រីជាសេនាធិការបានស្រុះគ្នាក្នុងការជួយដល់ប្រជាពលរដ្ឋ។ លោកទេសរដ្ឋមន្ត្រី គន់ គីម បានហៅការបង្កើតឡើងនូវអគារទីទួលសុវត្ថិភាពនេះ គឺជាការគិតគូរ និងឆ្លើយតបមួយជំហានទៀតរបស់រាជរដ្ឋាភិបាលកម្ពុជា ដើម្បីដោះស្រាយការលំបាករបស់ប្រជាពលរដ្ឋនៅពេលជួបទឹកជំនន់នោះ។ លោកទេសរដ្ឋមន្ត្រី បានថ្លែងយ៉ាងដូច្នេះ «គ្រោះមហន្តរាយធម្មជាតិនៅលើពិភពលោក គឺកាន់តែស្រួចស្រាវ ដែលពិបាកនឹងទៅហាមឃាត់ចំពោះគ្រោះមហន្តរាយទាំងនេះ។ តែអ្វីដែលយើងអាចធ្វើបាន គឺយើងត្រូវប្រឹងរិះរកវិធីធ្វើយ៉ាងណា ដើម្បីឆ្លើយតបគ្រោះមហន្តរាយនោះឱ្យបានទាន់ពេលវេលា។ ជាពិសេសជួយប្រជាពលរដ្ឋពីគ្រោះមហន្តរាយកុំឱ្យមានអ្នកស្លាប់ និងមានកន្លែងស្នាក់នៅឱ្យបានសមរម្យ»។ «អគារទីទួលសុវត្ថិភាពនេះ ជាការឆ្លើយតបរបស់រាជរដ្ឋាភិបាលទៅនឹងគ្រោះមហន្តរាយ ដើម្បីផ្តល់កន្លែងស្នាក់អាស្រ័យបណ្តោះអាសន្នឱ្យបានសមរម្យពេលពួកគាត់ជម្លៀសចេញពីផ្ទះសម្បែង»។ នេះជាការបញ្ជាក់បន្ថែមរបស់លោកទេសរដ្ឋមន្ត្រី គន់ គីម។ លោកស្រី ឃ្លែរ ខូណាន់ នាយិកាអង្គការកម្មវិធីស្បៀងអាហារពិភពលោកប្រចាំកម្ពុជា បានលើកឡើងថា ប្រទេសកម្ពុជា គឺជាប្រទេសមួយក្នុងចំណោមប្រទេសដែលងាយទទួលរងផលប៉ះពាល់ពីការប្រែប្រួលធាតុអាកាស ដូចជាទឹកជំនន់ និងគ្រោះរាំងស្ងួត។ លោកស្រីបន្តថា ការស្ថាបនាមជ្ឈមណ្ឌលទាំងនេះ គឺជាផ្នែកមួយនៃភាពជាដៃគូយូរអង្វែងរវាងកម្មវិធីស្បៀងអាហារពិភពលោក និងគណៈកម្មាធិការជាតិគ្រប់គ្រងគ្រោះមហន្តរាយ និងដើម្បីពង្រឹងការត្រៀម និងការឆ្លើយតបជាបន្ទាន់នៅក្នុងប្រទេស។ ប្រទេសជប៉ុនគឺជាដៃគូដ៏រឹងមាំរបស់កម្មវិធិស្បៀងអាហារពិភពលោក។ ក្នុងរយៈពេលមួយទសវត្សរ៍ចុងក្រោយនេះ ប្រទេសជប៉ុន បានចូលរួមផ្តល់វិភាគទានជាថវិកាចំនួនជាង ២២លានដុល្លាអាមេរិក ដើម្បីលើកកម្ពស់សន្តិសុខស្បៀងនិងអាហារូបត្ថម្ភ និងគ្រោះមហន្តរាយនៅកម្ពុជា។ លោក ការិម៉ាតា អាត្សឹស៊ី ឧបការីស្ថានទូតជប៉ុន បានថ្លែងក្នុងពិធីនោះថា គម្រោងផ្តល់ហិរញ្ញប្បទានដោយប្រទេសជប៉ុន និងអនុវត្តដោយកម្មវិធីស្បៀងអាហារពិភពលោកមានគោលបំណងកាត់បន្ថយហានិភ័យគ្រោះមហន្តរាយនៅតាមតំបន់ងាយរងគ្រោះដោយទឹកជំនន់ មានដូចជាការសាងសង់មជ្ឈមណ្ឌលជម្លៀសជនរងគ្រោះ, បណ្តុះបណ្តាលមន្ត្រីស្តីពីការគ្រប់គ្រងហានិភ័យគ្រោះមហន្តរាយរួមមានការវាយតម្លៃហានិភ័យ និងការឆ្លើយតបជាបន្ទាន់ និងបង្កើតប្រព័ន្ធព័ត៌មានគ្រប់គ្រងគ្រោះមហន្តរាយសម្រាប់ការជម្លៀសជាដើម។ លោក ការិម៉ាតា អាត្សឹស៊ី បានបន្ថែមថា រដ្ឋាភិបាលជប៉ុនមានមោទនភាពក្នុងការជួយសហគមន៍កម្ពុជា ក្នុងការកសាងភាពធន់ទប់ទល់ការប្រឈមនឹងគ្រោះថ្នាក់ធម្មជាតិ។ មន្ត្រីជាន់ខ្ពស់ស្ថានទូតជប៉ុនរូបនេះ ក៏បានផ្តល់ទស្សនៈឱ្យកម្ពុជា ត្រៀមខ្លួនឱ្យបានកាន់តែប្រសើរថែមទៀតលើការដោះស្រាយបញ្ហាគ្រោះមហន្តរាយ ដូចជាការធ្វើលំហាត់សមយុទ្ធនានា ដើម្បីត្រៀមជួយសង្គ្រោះជនរងគ្រោះពេលមានគ្រោះមហន្តរាយ។ លោកឧបការីទូតជប៉ុន បានលើកឡើងថា បច្ចុប្បន្នកម្ពុជាប្រឈមមុខនឹងស្ថានភាពកាន់តែលំបាកថែមទៀតមិនត្រឹមតែដោយសារទឹកជំនន់ប៉ុណ្ណោះទេ រួមទាំងជំងឺរាតត្បាតកូវីដ១៩ផងដែរ។ លោកសង្ឃឹមថា មជ្ឈមណ្ឌលទាំងនេះ មិនត្រឹមតែប្រើសម្រាប់ជម្លៀសពលរដ្ឋពេលមានទឹកជំនន់នោះទេ តែក៏អាចប្រើក្នុងករណីចាំបាច់ដទៃទៀត ដូចជាការចាក់វ៉ាក់សាំងជាដើម។ លោកទេសរដ្ឋមន្ត្រី គន់ គីម បានថ្លែងអំណរគុណអង្គការស្បៀងអាហារពិភពលោក និងរដ្ឋាភិបាលជប៉ុន ដែលតែងតែជួយគាំទ្រដល់ការងារគ្រប់គ្រង និងឆ្លើយតបចំពោះគ្រោះមហន្តរាយ ដូចជាការផ្តល់ថវិកាជួយសាងសង់អគារទីទួលសុវត្ថិភាពនេះជាដើម។ លោកទេសរដ្ឋមន្ត្រី បានបន្តអំពាវនាវដល់អង្គការស្បៀងអាហារពិភពលោក និងរដ្ឋាភិបាលជប៉ុន បន្តជួយសាងសង់អគារទីទួលសុវត្ថិភាព នៅតាមបណ្តាខេត្តជាប់បឹងទន្លេសាប និងខេត្តតាមដងទន្លេមេគង្គ ដែលសុទ្ធជាតំបន់ងាយរងគ្រោះដោយទឹកជំនន់ន។ ក្នុងឱកាសនោះ លោកទេសរដ្ឋមន្ត្រី គន់ គីម បានក្រើនរំលឹកមន្ត្រីគណៈកម្មាធិការជាតិគ្រប់គ្រងគ្រោះមហន្តរាយ និងមន្ត្រីខេត្តយកចិត្តទុកដាក់ថែទាំអគារទីទួលសុវត្ថិភាពនេះឱ្យបានល្អប្រសើរ ដើម្បីបម្រើភាពចាំបាច់ពេលមានគ្រោះមហន្តរាយ៕                

        (ពោធិ៍សាត់)៖ ខេត្តពោធិ៍សាត់បានដាក់ឱ្យដំណើរការអគារទីទទួលសុវត្ថិភាពចំនួន២ ដើម្បីឱ្យប្រជាពលរដ្ឋស្នាក់អាស្រ័យនៅពេលជួបគ្រោះទឹកជំនន់។ អគារទីទួលសុវត្ថិភាពទាំងពីរ ជាការបង្កើតឡើងក្រោមកិច្ចសហការរវាងអង្គការស្បៀងអាហារពិភពលោក និងគណៈកម្មាធិការជាតិគ្រប់គ្រងគ្រោះមហន្តរាយ។ ខេត្តពោធិ៍សាត់ ដែលជាខេត្តជាប់បឹងទន្លេសាប និងជាប់ស្ទឹងធំៗ មានបណ្តាញទឹកធ្លាក់ពីតាមជួរភ្នំនោះ តែងជួបគ្រោះជំនន់ទឹកភ្លៀងស្ទើររៀងរាល់ឆ្នាំ។ កាលពីឆ្នាំ២០២០ កន្លងទៅនេះ ខេត្តពោធិ៍សាត់ បានរងការជន់លិចដោយជំនន់ទឹកភ្លៀងធ្លាក់ពីតាមជួរភ្នំយ៉ាងធ្ងន់ធ្ងរ។ នៅក្នុងពិធីដាក់ឱ្យដំណើរអគារទីទួលសុវត្ថិភាពនៅថ្ងៃទី២១ ខែឧសភា ឆ្នាំ២០២១នេះ លោក ម៉ៅ ធនិន្ទ អភិបាលខេត្តពោធិ៍សាត់ បានឱ្យដឹងថា ប្រជាពលរដ្ឋនៅតាមបណ្តាឃុំមួយចំនួនក្នុងស្រុកបាកាន និងស្រុកកណ្ដើង តែងរងគ្រោះទឹកជំនន់ ហើយជួបការលំបាកខ្លាំង ខ្វះទីទួលសុវត្ថិភាពនៅពេលមានការជម្លៀសចេញពីភូមិឋានពេលទឹកជំនន់ម្ដងៗ។ លោកអភិបាលខេត្ត បានគូសបញ្ជាក់ថា អគារទួលសុវត្ថិភាពទាំងពីរនេះ ត្រូវបានចំណាយថវិកាសាងសង់ដែលជាគាំទ្រដោយរដ្ឋាភិបាលជប៉ុនប្រមាណ ៤៤ម៉ឺនដុល្លារអាមេរិក។ អគារទីទួលសុវត្ថិភាពនេះ មួយទីតាំងស្ថិតនៅភូមិឫស្សីតាម៉ាន់ ឃុំបឹងបត់កណ្តោល ស្រុកបាកានដែលមានទំហំអគារ ៨៦៤ម៉ែត្រការ៉េ សង់លើដីសាធារណៈរបស់រដ្ឋ។ មួយទីតាំងទៀត ស្ថិតនៅក្រោយវត្តក្តីឧត្តម ភូមិក្តីល្អិត ឃុំស្រែស្តុក ស្រុកកណ្ដើង ដែលមាន ទំហំអគារ ១៦៨៥.០៦ម៉ែត្រការ៉េ សង់លើដីជាការបរិច្ចាគរបស់ព្រះចៅអធិការវត្តក្តីឧត្តម។ អគារទួលសុវត្ថិភាពនេះ បានចាប់ផ្តើមសាងសង់នៅឆ្នាំ២០២០ ហើយបានបញ្ចប់ការសាងសង់ ជាស្ថាពរនៅខែមេសា ឆ្នាំ២០២១ថ្មីៗនេះ ក្រោមការតាមដានត្រួតពិនិត្យផ្ទាល់ពីគណៈកម្មាធិការជាតិគ្រប់គ្រង គ្រោះមហន្តរាយ អាជ្ញាធរខេត្ត ស្រុក ឃុំ និងអង្គការស្បៀងអាហារពិភពលោក។ ដោយសារការខ្វះហេដ្ឋារចនាសម្ព័ន្ធទីទួលសុវត្ថិភាពនេះ បានបង្កការលំបាកជាខ្លាំងសម្រាប់ការស្នាក់អាស្រ័យរបស់ប្រជាពលរដ្ឋទាំងការបន្ទោរបង់ និងការប្រើប្រាស់ទឹកស្អាតជាដើម។ អគារទីទួលសុវត្ថិភាពនេះ បានបំពាក់នូវហេដ្ឋារចនាសម្ព័ន្ធទាំងអស់នេះ ដែលជួយសម្រួលដល់ការស្នាក់អាស្រ័យរបស់ពេលក្នុងកំលុងពេលជម្លៀសពីលំនៅឋានរបស់ខ្លួន។ អគារទីទួលសុវត្ថិភាពនេះ ត្រូវបានសាងសង់ឡើងដោយផ្អែកលើស្ដង់ដារអន្តរជាតិ និងបំពាក់ទៅដោយសម្ភារៈ កន្លែងសំខាន់ៗ ដូចជាផ្ទះបាយ កន្លែងបោកគក់ បន្ទប់ស្តុកអីវ៉ាន់ បន្ទប់ទឹក កន្លែងលាងដៃ កន្លែងសត្វ ប្រព័ន្ធទឹក អគ្គិសនី និង ប្រព័ន្ធការពារន្ទះ។ លោក ម៉ៅ ធនិន្ទ បានថ្លែងថា អគារទួលសុវត្ថិភាពនេះ គឺមានសារសំខាន់ខ្លាំងណាស់សម្រាប់ប្រជាពលរដ្ឋក្នុងភូមិ ឃុំ ដែលប្រឈមគ្រោះទឹកជំនន់ ដែលអាចធ្វើការជម្លៀសពីលំនៅឋានរងគ្រោះដោយទឹក ជំនន់ មកស្នាក់នៅបណ្តោះអាសន្នបានរហូតដល់ទឹកជំនន់ស្រកទៅវិញ។ លោកស្រី Emma Conlan តំណាងអង្គការស្បៀងអាហារពិភពលោកប្រចាំប្រទេសកម្ពុជា បានលើកឡើងថា ប្រទេសកម្ពុជា គឺជាប្រទេសមួយក្នុងចំណោមប្រទេសដែលងាយទទួលរងផលប៉ះពាល់ពីការប្រែប្រួលធាតុអាកាស ដូចជាទឹកជំនន់ និងគ្រោះរាំងស្ងួត។ លោកស្រីបន្តថា ការស្ថាបនាមជ្ឈមណ្ឌលទាំងនេះ គឺជាផ្នែកមួយនៃភាពជាដៃគូយូរអង្វែងរវាងកម្មវិធីស្បៀងអាហារពិភពលោក និងគណៈកម្មាធិការជាតិគ្រប់គ្រងគ្រោះមហន្តរាយ ដើម្បីកាត់បន្ថយហានិភ័យ គ្រោះមហន្តរាយ និងពង្រឹងការត្រៀមបង្ការ និងការឆ្លើយតបជាបន្ទាន់នៅក្នុងប្រទេស។ ជាមួយនឹងការទទួលបានទីទួលសុវត្ថិភាពនេះ លោក ឡាំ ហេងហួត អនុប្រធានគណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) តំណាងនាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានថ្លែងកោតសរសើរ ការខិតខំប្រឹងប្រែងរបស់គណៈកម្មាធិការគ្រប់គ្រងគ្រោះមហន្តរាយ រាជធានី ខេត្ត លើការឆ្លើយតបគ្រោះមហន្តរាយកន្លងមក ហើយត្រូវបន្តប្រកាន់ខ្ជាប់នូវគោលការណ៍ គឺផែនការត្រៀមបង្ការកម្រិតសហគមន៍មូលដ្ឋាន និងក្រុមគ្រួសារ។ លោក ក៏បានបន្តណែនាំគណៈកម្មាធិការគ្រប់គ្រងគ្រោះមហន្តរាយឃុំ/សង្កាត់ ឱ្យគ្រួសារនីមួយៗ ដែលប្រឈមនឹងហានិភ័យគ្រោះមហន្តរាយរៀបចំផ្ទះសំបែង ឱ្យបានរឹងមាំធន់នឹងទឹកជំនន់ ខ្យល់កន្ត្រាក់។ល។ គ្រួសារនីមួយៗត្រូវដឹងពីទីទួលសុវត្ថិភាពនៅជិតបំផុត ផ្លូវដែលត្រូវទៅកាន់ទីនោះ និងទីតាំងមណ្ឌលសុខភាព។ រៀបចំមធ្យោបាយដឹកជញ្ជូន និងប្រកាសឱ្យប្រជាជនដឹងលេខទូរស័ព្ទរបស់គណៈកម្មាធិការគ្រប់គ្រងគ្រោះមហន្តរាយឃុំ/សង្កាត់របស់ខ្លួន និងជំរុញឱ្យតាមគ្រួសារចុះឈ្មោះក្នុងប្រព័ន្ធប្រកាសប្រាប់ឱ្យដឹងជាមុន ១២៩៤ ងាយស្រួល ក្នុងការទទួលដំណឹងពីមុខសញ្ញាគ្រោះថ្នាក់គ្រោះមហន្តរាយ។ ក្នុងនាមជាប្រធានគណៈកម្មាធិការគ្រប់គ្រងគ្រោះមហន្តរាយខេត្ត លោក ម៉ៅ ធនិន្ទ បានណែនាំដល់អាជ្ញាធរស្រុក ឃុំពាក់ព័ន្ធ ជាពិសេសគណៈកម្មការគ្រប់គ្រងអគារទួលសុវត្ថិភាពទាំងពីរ យកចិត្តទុកដាក់ក្នុងការគ្រប់គ្រងថែរក្សា ការពារនូវអគារទួលសុវត្ថិភាព ដែលជាសមិទ្ធផលថ្មីសម្រាប់ប្រជាពលរដ្ឋក្នុងសហគមន៍របស់ខ្លួនឱ្យបានល្អ។ ជាពិសេសអនុវត្តនូវតួនាទីភារកិច្ចរបស់ខ្លួនឱ្យបានខ្ជាប់ខ្ជួនដែល បានកំណត់នៅក្នុងអនុគណៈកម្មការគ្រប់គ្រងអគារទួលសុវត្ថិភាពនីមួយៗ៕              

  (ភ្នំពេញ)៖ ក្រសួងសុខាភិបាល នៅព្រឹកថ្ងៃទី២០ ខែមីនា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មីចំនួន៥៤នាក់ ក្នុងនោះករណីសហគមន៍ក្នុង «ព្រឹត្តិការណ៍២០កុម្ភៈ» ចំនួន៥៣នាក់ និង១ករណីទៀត គឺជាករណីនាំចូល ខណៈអ្នកជំងឺចំនួន១៨នាក់បានជាសះស្បើយ និងអនុញ្ញាតឲ្យចេញពីមន្ទីរពេទ្យ។ អ្នកឆ្លងកូវីដ១៩ថ្មីទាំង៥៤នាក់ មានម្នាក់ជាស្ត្រីជនជាតិខ្មែរ ធ្វើដំណើរមកពីប្រទេសសិង្ហបុរី មកដល់កម្ពុជានៅថ្ងៃទី១៧ ខែមីនា ឆ្នាំ២០២១ និង ៥៣នាក់ជាករណីឆ្លងក្នុងសហគមន៍ នៃព្រឹត្តិការណ៍២០កុម្ភៈ រួមមាន៖ ជនជាតិខ្មែរ៣២នាក់, ជនជាតិចិន ២០នាក់ និងជនជាតិវៀតណាម ម្នាក់ ដែលរកឃើញនៅរាជធានីភ្នំពេញ, ខេត្តកណ្តាល និងព្រះសីហនុ។ ចំណែកអ្នកជាសះស្បើយទាំង១៨នាក់ គឺសុទ្ធសឹងជាអ្នកឆ្លងក្នុងព្រឹត្តិការណ៍ «សហគមន៍២០កុម្ភៈ» រួមមាន៖ ជនជាតិចិន១៤នាក់, ជនជាតិវៀតណាម ២នាក់, ជនជាតិកូរ៉េម្នាក់ និងជនជាតិខ្មែរម្នាក់ ទទួលបានលទ្ធផលអវិជ្ជមានកូវីដ១៩ ចំនួន២ដង និងត្រូវបានអនុញ្ញាតឲ្យចេញពីកន្លែងព្យាបាល។ សូមជម្រាបថា គិតត្រឹមម៉ោង៧៖០០នាទីព្រឹកថ្ងៃទី២០ ខែមីនា ឆ្នាំ២០២១នេះ នៅកម្ពុជាបានរកឃើញអ្នកឆ្លងកូវីដ១៩ សរុបចំនួន ១៦៣២នាក់ ក្នុងនោះអ្នកជាសះស្បើយចំនួន ៩៣៥នាក់, អ្នកជំងឺកំពុងសម្រាកព្យាបាលចំនួន ៦៩២នាក់, ស្លាប់ចំនួន ៣នាក់ និង២នាក់ទៀត ស្លាប់ដោយសារការរើថ្នាំញៀនធ្ងន់ធ្ងរ និងស្ទះសរសៃរឈាមបេះដូង ពេលកំពុងទទួលការព្យាបាលជំងឺកូវីដ១៩៕

ចំហេះព្រៃរាប់រយករណីដែលមិនអាចគ្រប់គ្រងបាន បានឆាបឆេះនៅទូទាំងប្រទេសកាណាដាកាលពីថ្ងៃពុធ (៧ មិថុនា) ដែលគំរាមកំហែងដល់ហេដ្ឋារចនាសម្ព័ន្ធសំខាន់ៗ បង្ខំឱ្យមាន ការ​ជម្លៀសប្រជាជន និងបានបញ្ជូនផ្សែងដ៏អួរអាប់គ្របដណ្ដប់លើទីក្រុងនានារបស់សហរដ្ឋអាមេរិក។ ចំហេះព្រៃគឺជារឿងធម្មតានៅក្នុងខេត្តភាគខាងលិចនៃប្រទេសកាណាដា ប៉ុន្តែនៅឆ្នាំនេះអណ្តាតភ្លើងបានឆាបឆេះយ៉ាងឆាប់រហ័សនៅភាគខាងកើតរបស់ប្រទេស ដែលធ្វើឱ្យវាក្លាយជា​ការ​ចាប់ផ្តើម​រដូវកាលដ៏អាក្រក់បំផុតមិនធ្លាប់មាន។ ភាគខាងត្បូងនៃព្រំដែន មានរដ្ឋជាច្រើនរបស់សហរដ្ឋអាមេរិកបានស្ថិតនៅក្រោមការជូនដំណឹងអំពីគុណភាពខ្យល់កាលពីថ្ងៃពុធ ខណៈដែលផ្សែងហុយចេញពីចំហេះព្រៃបានបក់ទៅភាគខាងត្បូង។ ការចាប់ផ្តើមដំបូងនៃរដូវចំហេះព្រៃខ្លាំងខុសពីធម្មតា បានធ្វើឱ្យប្រទេសកាណាដា ប្រឈមនឹងការបំផ្លិចបំផ្លាញពីភ្លើងដ៏អាក្រក់បំផុតមិនធ្លាប់មានប្រចាំឆ្នាំរបស់ខ្លួន ខណៈដែលអាកាស​ធាតុ​ក្តៅ និងស្ងួតត្រូវបានគេរំពឹងថានឹងបន្តកើតមានជាច្រើនខែ។ ក្រុមអាជ្ញាធរបាននិយាយថា អ្នកពន្លត់អគ្គិភ័យប្រហែល ៥២០នាក់កំពុងប្រយុទ្ធនឹងចំហេះព្រៃនេះ។ យោង​តាមក្រុមអាជ្ញាធរបានឱ្យដឹងថា មនុស្សប្រហែល ១១.៤០០ នាក់ត្រូវបានជម្លៀសចេញពីតំបន់ដាច់ស្រយាលនៃភាគខាងជើងទីក្រុងកេបិច ហើយមនុស្ស ៤.០០០នាក់ទៀត​នឹងត្រូវ​ជម្លៀសចេញក្នុងពេលឆាប់ៗនេះ៕  

អ៊ុយក្រែន៖ មនុស្សរាប់រយនាក់ ត្រូវបានជួយសង្គ្រោះចេញពីដំបូលផ្ទះនានា ២ថ្ងៃបន្ទាប់ពី ទឹកហូរចេញពីទំនប់វារីអគ្គិសនីដែលត្រូវបានបំផ្លាញបានជន់លិចភូមិឋាន ដីកសិកម្ម ផ្លូវថ្នល់ ជាច្រើននៅក្នុងតំបន់ Khersonភាគខាងត្បូងខណៈអ៊ុយក្រែនច្រានចោលរបាយការណ៍នានាដែលថាយោធារបស់ខ្លួនបានចាប់ផ្ដើមបើកការវាយបកលើកងកម្លាំងរុស្ស៊ីនោះ។   វីដេអូពីលើអាកាសបានបង្ហាញតំបន់នានាជាទីដែលទឹកជន់លិចលំនៅឋានមើលឃើញតែដំបូល។  អភិបាលតំបន់នេះ បាននិយាយថា ផ្ទៃដីប្រមាណ៦០០គីឡូម៉ែត្រក្រឡា  ត្រូវបានទឹកលិចកាលពីថ្ងៃព្រហស្បតិ៍ ។  ការបាក់ទំនប់ទឹក Nova Kakhovka បានកើតឡើង ខណៈអ៊ុយក្រែន ត្រៀមវាយបកដែលទំនងជាដំណាក់កាលសំខាន់បន្ទាប់ ក្នុងសង្រ្គាម ដែលបានឆក់យកជីវិតមនុស្សរាប់ម៉ឺននាក់ លំនៅឋានរាប់លានខ្នងដួលរាបដល់ដី និងទីក្រុងទាំងមូលត្រូវបានបំផ្លាញ ចាប់តាំងពីប្រតិបត្តិការសឹកពិសេសរបស់រុស្ស៊ី កាលពីថ្ងៃទី២៤ខែកុម្ភៈឆ្នាំមុន។    

    ក្នុងនាម សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កាលពីព្រឹកថ្ងៃទី១៧ ខែសីហា ឆ្នាំ២០១៥ វេលាម៉ោង ៨:៣០នាទី នៅសណ្ឋាគារសាន់វ៉េ រាជធានីភ្នំពេញ ឯកឧត្តមបណ្ឌិត ញឹម វណ្ណដា ទេសរដ្ឋមន្ត្រី ទទួលបន្ទុកបេសកកម្មពិសេស និងជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានដឹកនាំកិច្ចប្រជុំផ្សព្វផ្សាយច្បាប់ស្តីពីការគ្រប់គ្រងគ្រោះមហន្តរាយ ដោយមានការអញ្ជើញចូលរួមពី អគ្គលេខាធិការកាកបាទក្រហមកម្ពុជា ឯកឧត្តមរដ្ឋលេខាធិការ អនុរដ្ឋលេខាធិការ នៃក្រសួង និងស្ថាប័នរាជរដ្ឋាភិបាល, អភិបាលរង និងនាយករដ្ឋបាលគ្រប់រាជធានី-ខេត្ត, លោកស្រី Claire Van der Vaeren អ្នកសម្របសម្រួលអង្គការសហប្រជាជាតិប្រចាំនៅកម្ពុជា, តំណាងស្ថានទូតមួយចំនួនប្រចាំនៅកម្ពុជា, ដៃគូអភិវឌ្ឍន៍, ភ្នាក់ងារអង្គការសហប្រជាជាតិ, អង្គការជាតិ-អន្តរជាតិ និងគ្រឹះស្ថានអប់រំមួយចំនួនសរុបចំនួន ២៣០រូប។ កិច្ចប្រជុំបានដំណើរការតាមរបៀបវារៈដែលបានគ្រោងទុក ហើយបន្ទាប់មក ឯកឧត្តម អគ្គលេខាធិការគណៈកម្មាធិការជាតិគ្រប់គ្រងគ្រោះមហន្តរាយ បានធ្វើបទបង្ហាញលំអិតលើខ្លឹមសារទាំងស្រុងនៃច្បាប់ស្តីពីការគ្រប់គ្រងគ្រោះមហន្តរាយ ដែលមាន ចំនួន ១០ជំពូក ៤៨មាត្រា។ ឯកឧត្តម លោកជំទាវ រដ្ឋលេខាធិការ តំណាងក្រសួង-ស្ថាប័នរាជរដ្ឋាភិបាល, កាកបាទក្រហមកម្ពុជា លោក លោកស្រី អភិបាលរងខេត្ត និង តំណាងអង្គការជាតិ-អន្តរជាតិមួយចំនួនបានមានចំណាប់អារម្មណ៍ គាំទ្រ និងវាយតម្លៃខ្ពស់លើច្បាប់ស្តីពីការគ្រប់គ្រងគ្រោះមហន្តរាយ និងប្តេជ្ញាចិត្តចូលរួមចំណែកក្នុងការផ្សព្វផ្សាយ និងអនុវត្ត ច្បាប់នេះអោយមានប្រសិទ្ធភាព និងតម្លាភាព។ ជាមួយមតិចាប់អារម្មណ៍ខាងលើ ឯកឧត្តម ញឹម វណ្ណដា បានមានប្រសាសន៍អំពីច្បាប់ស្តីពីការគ្រប់គ្រងគ្រោះមហន្តរាយនៅកម្ពុជា ក្រោមការដឹកនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ នាយករដ្ឋមន្ត្រី មានលក្ខណៈគ្រប់ជ្រុងជ្រោយទាក់ទងការងារសង្គម, មនុស្សធម៌ និងកិច្ចសហប្រតិបត្តិការទាំងជាតិ និងអន្តរជាតិ។ ច្បាប់ក៏បានបង្ហាញពីបទពិសោធន៍ចាស់ទុំរបស់កម្ពុជា ក្នុងការងារគ្រប់គ្រងគ្រោះមហន្តរាយប្រៀបធៀបប្រទេសក្នុងតំបន់ និង ពិភពលោក។ ឯកឧត្តម ក៏បានសំណូមពរឲ្យថ្នាក់ក្រោមជាតិ ធ្វើសេនាធិការអោយគណៈកម្មាធិការជាតិគ្រប់គ្រងគ្រោះមហន្តរាយ ក្នុងការប្រមូលទិន្នន័យពិតប្រាកដច្បាស់លាស់មកថ្នាក់ជាតិដើម្បីធ្វើការបូកសរុប និងដាក់ជូនរាជរដ្ឋាភិបាលក្នុងនាមជាសេនាធិការអោយរាជរដ្ឋាភិបាលដើម្បីដឹកនាំគ្រប់គ្រង និងសម្របសម្រួលការងារគ្រប់គ្រង គ្រោះមហន្តរាយបានត្រឹមត្រូវ។    

(កំពង់ស្ពី)៖ ទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និងជាអគ្គលេខាធិការសមាគមអតីតយុទ្ធជនកម្ពុជា នាព្រឹកថ្ងៃទី១១ ខែមីនា ឆ្នាំ២០២០នេះ បានអញ្ជើញជាអធិបតី ក្នុងកិច្ចប្រជុំបូកសរុបលទ្ធផល ការងារសមាគមអតីតយុទ្ធជន និងការងារគ្រោះមហន្តរាយ របស់ខេត្តកំពង់ស្ពឺ។ ក្នុងពិធីនេះ ក៏មានការអញ្ជើញចូលរួម ពីលោកគណៈប្រតិភូ ក្រសួងធនធានទឹក ក្រសួងកសិកម្ម អភិបាលខេត្ត សមាជិកក្រុមប្រឹក្សាខេត្ត មេបញ្ជាការកម្លាំងប្រដាប់អាវុធ សមាជិកសមាជិការ គណៈកម្មាធិការ គ្រប់គ្រង គ្រោះមហន្តរាយថ្នាក់ក្រោមជាតិ និងថ្នាក់មូលដ្ឋានជាច្រើនរូប។ តាមរបាយការណ៍របស់គណៈកម្មាធិការគ្រប់គ្រងគ្រោះមហន្តរាយខេត្ត បានឲ្យដឹងថា ខេត្តកំពង់ស្ពឺ ទទួលរងផលប៉ះពាល់ដោយគ្រោះរាំងស្ងួតមានចំនួន៥ក្រុង/ស្រុក ខូចខាតដំណាំស្រូវចំនួន៣,១៦៧ហិកតា ខ្យល់កន្ត្រាក់ កើតឡើង ៣៤លើក ខូចខាត៣០០ខ្នងផ្ទះ អគ្គិភ័យកើតឡើង ៣១លើក ខូចខាត២៧ខ្នងផ្ទះ។ ក្រៅពីនោះ ខេត្តក៏បានធ្វើផែនការដាំដុះដំណាំស្រូវវស្សា បានចំនួន ១១៣,៦០០ហិកតា អនុវត្តបាន ១១៤,៩៩៦ហិកតា ស្មើនឹង១០១.២៣ភាគរយផងដែរ។ ក្នុងនាមសម្តេចតេជោ លោកទេសរដ្ឋមន្រ្តី គន់ គីម បាននាំការផ្តាំផ្ញើសួរសុខទុក្ខ ពីសម្តេចតេជោ និងសម្តេចកិត្តិព្រឹទ្ធបណ្ឌិត ជូនមន្ត្រីរាជការកងកម្លាំងប្រដាប់អាវុធ និងប្រជាពលរដ្ឋ ក្នុងខេត្តទាំងមូល។ លោកទេសរដ្ឋមន្ត្រី គន់ គីម បានបញ្ជាក់បន្ថែមទៀតថា ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានគណៈកម្មាធិការជាតិ គ្រប់គ្រងគ្រោះមហន្តរាយ ជានិច្ចកាលសម្តេចបានយកចិត្តទុកដាក់យ៉ាងខ្លាំងអំពីកត្តានានា ដែលបង្កឡើងដោយសារគ្រោះមហន្តរាយ ដែលមិនបណ្តែតបណ្តោយ ឲ្យប្រជាពលរដ្ឋណាម្នាក់ រងគ្រោះដោយសារតែកត្តាធម្មជាតិ ដោយគ្មានការយកចិត្តទុកដាក់ ពីសំណាក់អាជ្ញាធរនោះឡើយ ជាពិសេសសម្តេចតែងតែចាត់ ឲ្យថ្នាក់ដឹកនាំនៅតាមបណ្តាលក្រសួង ស្ថាប័នពាក់ព័ន្ធទាំងអ់ស ត្រូវចុះត្រួតពិនិត្យដោយផ្ទាល់ ដើម្បីរកវិធីដោះស្រាយ។ លោកទេសរដ្ឋមន្រ្តី ក៏បានលើកសរសើរចំពោះការខិតខំ របស់គណៈកម្មាធិការគ្រប់គ្រងគ្រោះមហន្តរាយខេត្ត និងសមាគមអតីតយុទ្ធជនខេត្ត ដែលបានបំពេញមុខនាទី របស់ខ្លួនបានល្អប្រសើរ ពេលមានហេតុការណ៍កើតឡើងខេត្តម្ចាស់ការ ចុះទៅដោះស្រាយបានភ្លាមៗ។ ដោយឡែកលោកទេសរដ្ឋមន្រ្តី បានផ្តល់នូវអនុសាស្រ្ត ណែនាំឲ្យថ្នាក់ខេត្តរៀបចំសេចក្តីសម្រេច ស្តីពីការបង្កើត គណៈកម្មាធិការគ្រប់គ្រងគ្រោះមហន្ត រាយខេត្ត ក្រុង-ស្រុក-ខណ្ឌ ឃុំ-សង្កាត់ ស្របតាមអនុក្រិត្យលេខ ១៨៨ បន្តតាមដានព័ត៌មាននៅតាមតំបន់ងាយរងគ្រោះ ពិសេសតំបន់ប្រឈមការខ្វះទឹក និងខិតខំស្តារទំនប់ទឹក និងអាងទឹក ដើម្បីរក្សាទឹកទុកប្រើក្នុងរដូវប្រាំងនេះ ថ្នាក់ខេត្តត្រូវធ្វើការពង្រឹងទួលសុវត្ថិភាព ការកសាងភាពធន់ ទៅនិងគ្រោះមហន្តរាយ សំដៅកាត់បន្ថយ បានហានិភ័យ។ ចំពោះ សមាគមអតីតយុទ្ធជនខេត្ត ទេសរដ្ឋមន្ត្រី គន់ គីម បានផ្តាំផ្ញើឲ្យត្រូវរក្សាអនាម័យជាប្រចាំនៅគ្រប់ទីកន្លែង និងគ្រប់ពេលវេលា ត្រូវបរិភោគអាហារ ដែលចម្អិនបានត្រឹមត្រូវជានិច្ច មិនត្រូវតក់ស្លុតហួសហេតុពេក និងត្រូវចូលរួមបង្ការការឆ្លងជំងឺរលាកសួត ដែលបង្កដោយមេរោគ Covid-19 ទាំងអស់គ្នា។ ទន្ទឹមនេះទាំងលោកមេឃុំ ចៅសង្កាត់ជាប្រធានកិត្តិយស និងលោកប្រធានប៉ុស្តិ៍រដ្ឋបាល ជាប្រធានសាខា ឃុំ សង្កាត់ ត្រូវបន្តធ្វើអំពើល្អ ហើយខិតខំសហការ និងបង្កគ្រប់លទ្ធភាព ឲ្យបងប្អូនអតីតយុទ្ធជនយើង បានទទួលនូវសេវាសាធារណៈផ្សេងៗ។ លោកបន្ថែមទៀតថា ចំពោះមុខត្រូវចុះពិនិត្យ និងវាយតម្លៃអតីតយុទ្ធជន និងគ្រួសារ ដែលក្រីក្រទ័លលំបាកពិតប្រាកដ ហើយរៀបចំបញ្ជីត្រឹមត្រូវ បញ្ជូនមកអគ្គលេខាធិការដ្ឋាន ដើម្បីសរុបស្នើសុំសម្តេចប្រធាន ផ្តល់ជាផ្ទះស្នាក់នៅ ឬ ផ្តល់ដីសម្បទានសង្គមកិច្ចជូនបងប្អូន៕

      (ព្រះសីហនុ)៖ នាយឧត្តមសេនីយ៍ គន់ គីម ទេសរដ្ឋមន្ដ្រីទទួលបន្ទុកបេសកកម្មពិសេស និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្ដរាយ ជំរុញឲ្យថ្នាក់ក្រោមជាតិ និងថ្នាក់មូលដ្ឋានទាំងអស់ ត្រូវពង្រឹងយន្តការគ្រប់គ្រងគ្រោះមហន្តរាយ ដើម្បីជួយសង្គ្រោះប្រជាពលរដ្ឋរងគ្រោះ បានទាន់ពេលវេលា។ ការថ្លែងរបស់ទេសរដ្ឋមន្ដ្រី គន់ គីម បានធ្វើឡើងនៅថ្ងៃទី១០ ខែមីនា ឆ្នាំ២០២០ ក្នុងឱកាសអញ្ជើញដឹកនាំកិច្ចប្រជុំបូកសរុបការងារឆ្នាំ២០១៩ និងទិសដៅការងារ ឆ្នាំ២០២០ ដែលទេសរដ្ឋមន្ដ្រី ក៏បាននាំនូវសេចក្តីនឹករលឹក និងការសួរសុខទុក្ខពីសម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់សមាជិកអង្គប្រជុំទាំងមូលផងដែរ។ តាមរបាយការណ៍របស់ លោក គួច ចំរើន អភិបាលខេត្តព្រះសីហនុ បានបញ្ជាក់ថា ឆ្នាំ២០១៩នេះ ខេត្តទទួលរងជំនន់ទឹកភ្លៀងប៉ះពាល់ប្រជាជន១,៧៣៦គ្រួសារ លិចផ្ទះ៩៣៧ខ្នង រលំបាក់អាគារ ជាន់កាលពីថ្ងៃ២២ ខែមិថុនា ឆ្នាំ២០១៩ បណ្តាលឲ្យរងរបួស២៦នាក់ និងស្លាប់២៨នាក់។ ក្នុងឱកាសនេះ ទេសរដ្ឋមន្ដ្រី គន់ គីម បានជំរុញឲ្យលេខាធិការដ្ឋានគ្រប់គ្រងគ្រោះមហន្តរាយខេត្ត បន្តរៀបចំកែសម្រួលរចនាសម្ព័ន្ធ គ្រប់គ្រងគ្រោះមហន្តរាយ នៅថ្នាក់មូលដ្ឋានឲ្យបានឆាប់ និងកសាងផែនការត្រៀមបម្រុង សម្រាប់ឆ្លើយតបពេលមានគ្រោះមហន្តរាយ និងណែនាំប្រជាជនឲ្យបង្ការអគ្គីភ័យ នៅក្នុងរដូវប្រាំងដែលងាយកើតមាន ព្រមទាំងចេះថែរក្សាសុខភាពការពារខ្លួន ពីជំងឺឆ្លងនានា។ ទេសរដ្ឋមន្ដ្រី គន់ គីម ក៏បានលើកសរសើរដល់ការកិច្ចសហការគ្នា រវាងអាជ្ញាធរគ្រប់ថ្នាក់ មន្ទីរ ការិយាល័យពាក់ព័ន្ធ និងអង្គការជាដៃគូ នៅក្នុងខេត្តដែលបានរួមគ្នាដោះស្រាយ ឆ្លើយតបបានទាន់ពេលវេលាពេលមានហេតុការណ៍៕          

  (កែប)៖ នាយឧត្តមសេនីយ៍ គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និងជាអគ្គលេខាធិការសមាគមអតីតយុទ្ធជនកម្ពុជា នាព្រឹកថ្ងៃទី១០ ខែមីនា ឆ្នាំ២០២០នេះ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផល ការងារសមាគមអតីតយុទ្ធជន និងការងារគ្រោះមហន្តរាយ របស់ខេត្តកែប។ តាមរបាយការណ៍របស់លោក អ៊ឹង ឆាយ អភិបាលខេត្តស្តីទី បានឲ្យដឹងថា ខេត្តកែប ទទួលរងជំនន់ទឹកភ្លៀងប៉ះពាល់ ដល់ប្រជាពលរដ្ឋ១០០គ្រួសារ ខូចផ្លូវ ជាង៥ពាន់ម៉ែត្រ ខ្យល់កន្ត្រាក់ បណ្តាលឲ្យខូចខាតផ្ទះប្រជាពលរដ្ឋ៨៥គ្រួសារ ដោយឡែកដីស្រែ១៥២ហិកតា ត្រូវទឹកប្រៃជ្រាបចូលបណ្តាលឲ្យទិន្នផលធ្លាក់ចុះ។ គួរបញ្ជាក់ដែលថា ករណីរលំបាក់អគារ៧ជាន់ កាលពីថ្ងៃ៣ ខែមករា កន្លងមក បណ្តាលឲ្យកម្មករ-កម្មការិនីស្លាប់ និងរងរបួស ៥៩នាក់ ក្នុងប្រតិបត្តិការរុករកសង្គ្រោះនេះ ត្រូវបានសម្តេចតេជោ ចុះមកដឹកនាំផ្ទាល់។ ដោយឡែក ការងារអតីតយុទ្ធជន បានប្រគល់ផ្ទះអំណោយសម្តេចតេជោ ១៦ខ្នង ជូនអតីតយុទ្ធជន មានជីភាពលំបាក និងចុះសួរសុខទុក្ខ អតីតយុទ្ធជន បាន២១៧នាក់ ដោយបានឧបត្ថម្ភថវិកា សម្ភារៈមួយចំនួនធំ។ ក្នុងនាមសម្តេចតេជោ លោកទេសរដ្ឋមន្រ្តី គន់ គីម បាននាំការផ្តាំផ្ញើសួរសុខទុក្ខ ពីសម្តេចតេជោ និងសម្តេចកិត្តិព្រឹទ្ធបណ្ឌិត ជូនមន្ត្រីរាជការកងកម្លាំងប្រដាប់អាវុធ និងប្រជាពលរដ្ឋ ក្នុងខេត្តទាំងមូល។ លោកទេសរដ្ឋមន្រ្តី ក៏បានលើកសសើរចំពោះការខិតខំ របស់គណៈកម្មាធិការគ្រប់គ្រងគ្រោះមហន្តរាយខេត្ត និងសមាគមអតីតយុទ្ធជនខេត្ត ដែលបានបំពេញមុខនាទី របស់ខ្លួនបានល្អប្រសើរ ពេលមានហេតុការណ៍កើតឡើងខេត្តម្ចាស់ការ ចុះទៅដោះស្រាយភ្លាម។ សម្រាប់ការងារបន្ត លោកទេសរដ្ឋមន្ត្រី បានជំរុញឲ្យគណៈកម្មាការគ្រប់គ្រងគ្រោះមហន្តរាយខេត្ត ត្រូវធ្វើការពង្រឹងសមត្ថភាព ក្តាប់ឲ្យបានមុខសញ្ញាគ្រោះមហន្តរាយ ដែលអាចកើតមាន និងមុខសញ្ញាជនងាយរងគ្រោះ ដើម្បីយើងធ្វើផែនការបំរុងទុក។ * ចំពោះ សមាគមអតីតយុទ្ធជនខេត្ត គ្រប់សាខា សមាគមអតីតយុទ្ធជនឃុំ សង្កាត់ទាំងអស់ត្រូវជ្រើសរើស យកសមាជិកអតីតយុទ្ធជនម្នាក់ ដែលមានសមត្ថភាពឲ្យ មកធ្វើជាអនុប្រធានសាខា ដើម្បីជួយការងារ។ បន្តធ្វើបច្ចុប្បន្នភាពរឲ្យឃើញអ្នកមានជីវភាពលំបាក ដើម្បីយើងជួយដោះស្រាយជូនពួកគាត់ ចំពោះអ្នកអត់ផ្ទះចំនួន៥គ្រួសារ ទេសរដ្ឋមន្រ្តី និងសាងសង់ផ្ទះ ជូនក្រោយសន្និបាត សមាគមអតីតយុទ្ធជនកម្ពុជារួច៕          

      (ព្រះសីហនុ)៖ នាយឧត្តមសេនីយ៍ គន់ គីម ទេសរដ្ឋមន្ដ្រីទទួលបន្ទុកបេសកកម្មពិសេស និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្ដរាយ ជំរុញឲ្យថ្នាក់ក្រោមជាតិ និងថ្នាក់មូលដ្ឋានទាំងអស់ ត្រូវពង្រឹងយន្តការគ្រប់គ្រងគ្រោះមហន្តរាយ ដើម្បីជួយសង្គ្រោះប្រជាពលរដ្ឋរងគ្រោះ បានទាន់ពេលវេលា។ ការថ្លែងរបស់ទេសរដ្ឋមន្ដ្រី គន់ គីម បានធ្វើឡើងនៅថ្ងៃទី១០ ខែមីនា ឆ្នាំ២០២០ ក្នុងឱកាសអញ្ជើញដឹកនាំកិច្ចប្រជុំបូកសរុបការងារឆ្នាំ២០១៩ និងទិសដៅការងារ ឆ្នាំ២០២០ ដែលទេសរដ្ឋមន្ដ្រី ក៏បាននាំនូវសេចក្តីនឹករលឹក និងការសួរសុខទុក្ខពីសម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់សមាជិកអង្គប្រជុំទាំងមូលផងដែរ។ តាមរបាយការណ៍របស់ លោក គួច ចំរើន អភិបាលខេត្តព្រះសីហនុ បានបញ្ជាក់ថា ឆ្នាំ២០១៩នេះ ខេត្តទទួលរងជំនន់ទឹកភ្លៀងប៉ះពាល់ប្រជាជន១,៧៣៦គ្រួសារ លិចផ្ទះ៩៣៧ខ្នង រលំបាក់អាគារ ជាន់កាលពីថ្ងៃ២២ ខែមិថុនា ឆ្នាំ២០១៩ បណ្តាលឲ្យរងរបួស២៦នាក់ និងស្លាប់២៨នាក់។ ក្នុងឱកាសនេះ ទេសរដ្ឋមន្ដ្រី គន់ គីម បានជំរុញឲ្យលេខាធិការដ្ឋានគ្រប់គ្រងគ្រោះមហន្តរាយខេត្ត បន្តរៀបចំកែសម្រួលរចនាសម្ព័ន្ធ គ្រប់គ្រងគ្រោះមហន្តរាយ នៅថ្នាក់មូលដ្ឋានឲ្យបានឆាប់ និងកសាងផែនការត្រៀមបម្រុង សម្រាប់ឆ្លើយតបពេលមានគ្រោះមហន្តរាយ និងណែនាំប្រជាជនឲ្យបង្ការអគ្គីភ័យ នៅក្នុងរដូវប្រាំងដែលងាយកើតមាន ព្រមទាំងចេះថែរក្សាសុខភាពការពារខ្លួន ពីជំងឺឆ្លងនានា។ ទេសរដ្ឋមន្ដ្រី គន់ គីម ក៏បានលើកសរសើរដល់ការកិច្ចសហការគ្នា រវាងអាជ្ញាធរគ្រប់ថ្នាក់ មន្ទីរ ការិយាល័យពាក់ព័ន្ធ និងអង្គការជាដៃគូ នៅក្នុងខេត្តដែលបានរួមគ្នាដោះស្រាយ ឆ្លើយតបបានទាន់ពេលវេលាពេលមានហេតុការណ៍៕          

នាយឧត្តមសេនីយ គន់ គីម ដាក់ចេញនូវទិសដៅយុទ្ធសាស្ត្រការងារចំនួន ៨ ចំនុច ដល់រដ្ឋបាលខេត្ត ឧត្តរមានជ័យសម្រាប់អនុវត្តក្នុងឆ្នាំ២០២០ ក្នុងកម្មវិធីបិទអង្គសន្និបាតបូកសរុបលទ្ធផលការងារឆ្នាំ២០១៩និងទិសដៅឆ្នាំ២០២០ ដែលប្រព្រឹត្តិទៅនារសៀលថ្ងៃទី ០៣ ខែមិនា ឆ្នាំ ២០២០នេះ ឯកឧត្តមនាយឧត្តម សេនីយ៍ គន់ គីម ប្រធានក្រុម ការងារ រាជរដ្ឋាភិបាល ចុះជួយខេត្ត ឧត្តរមានជ័យ។           នាយឧត្តមសេនីយ គន់ គីម ដាក់ចេញនូវទិសដៅយុទ្ធសាស្ត្រការងារចំនួន ៨ ចំនុច ដល់រដ្ឋបាលខេត្ត ឧត្តរមានជ័យសម្រាប់អនុវត្តក្នុងឆ្នាំ២០២០ ក្នុងកម្មវិធីបិទអង្គសន្និបាតបូកសរុបលទ្ធផលការងារឆ្នាំ២០១៩និងទិសដៅឆ្នាំ២០២០ ដែលប្រព្រឹត្តិទៅនារសៀលថ្ងៃទី ០៣ ខែមិនា ឆ្នាំ ២០២០នេះ ឯកឧត្តមនាយឧត្តម សេនីយ៍ គន់ គីម ប្រធានក្រុម ការងារ រាជរដ្ឋាភិបាល ចុះជួយខេត្ត ឧត្តរមានជ័យ ជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានដាក់ចេញនូវទិសដៅការងារចំនួនប្រាំបីចំនុច៖ ទីមួយ៖ ការពង្រឹងសន្តិភាព និងស្ថិរភាពនយោបាយ, ទីពីរ៖ សន្តិសុខសណ្តាប់ធ្នាប់សាធារណៈ សុវត្ថិភាពសង្គម, ទីបី៖ ការអភិវឌ្ឍសេដ្ឋកិច្ចសង្គមនិងទេសចរណ៍, ទីបួន៖ ការអភិវឌ្ឍទីក្រុង, ទីប្រាំ៖ កំណែទម្រង់វិមជ្ឈការ និង វិសហមជ្ឈការ, ទីប្រាំមួយ៖ ការផ្តល់សេវាសាធារណៈនិងការដោះស្រាយបញ្ហា ប្រឈមនៅមូលដ្ឋាន, ទីប្រាំពីរ៖ ការគ្រប់គ្រង និងការអភិវឌ្ឍតំបន់ព្រំដែន, និង ទីប្រាំបី៖ ការពង្រឹងរបៀបរបបការងារ។ ក្រោយពីស្តាប់របាយការណ៍បូកសរុបសន្និបាតរបស់ឯកឧត្តម ប៉ែន កុសល្យ អភិបាលនៃគណៈអភិបាលខេត្តរួចមក ឯកឧត្តមនាយឧត្តមសេនីយ៍ ក៏បានពាំនាំនូវការកោតសរសើរ ខ្ពស់ពីសំណាក់ សម្តេចតេជោ សម្តេចក្រឡាហោម និងក្នុងនាម ឯកឧត្តមផ្ទាល់ ចំពោះរដ្ឋបាលខេត្ត ដែលសម្រេចបានសមិទ្ធផលល្អនាឆ្នាំកន្លងមករួមទាំងការងារអតីតយុទ្ធជនផងដែរ។ អនុវត្តតាមកំណែទម្រង់របស់រាជរដ្ឋាភិបាល​ អំពីការផ្ទេរអំណាចនិងធនធានមក ថ្នាក់ក្រោមជាតិ​ ដូច្នេះក្រុង​ស្រុក-ខណ្ឌ ឃុំ-សង្កាត់  ត្រូវរៀប ចំទំនើបកម្មផែនការអនុវត្តការងារផ្តល់សេវាសាធារណៈនិងដោះស្រាយការ ប្រឈមរបស់ប្រជាពលរដ្ឋមូលដ្ឋានឱ្យបានទាន់ពេលវេលា។ ក្នុងការងារគ្រោះមហន្តរាយ ឯកឧត្តមនាយឧត្តមសេនីយ៍បានសង្កត់ធ្ងន់ថា គណៈ​កម្មធិការ​គ្រប់គ្រង​គ្រោះ​មហន្តរាយ​ថ្នាក់ក្រោមជាតិ​ និងថ្នាក់មូលដ្ឋាន​ត្រូវ ណែនាំ​ប្រជាពលរដ្ឋ​ឱ្យចេះសន្សំទឹកទុកសម្រាប់រដូវប្រាំងខាងមុខ ព្រមទាំងយកចិត្តទុកដាក់ត្រៀមរៀបចំនិងពង្រឹងភាពធន់ ជាមុនសម្រាប់នារដូវទឹកជំនន់ខាងមុខនេះ។ គួរបញ្ជាក់ថាក្នុងឆ្នាំ២០១៩នេះ គ្រោះទឹកជំនន់ទឹកភ្លៀងប៉ះពាល់ប្រជា ពលរដ្ឋចំនួន១៦២គ្រួសារ ដំណាំស្រូវ១,៧៣៦.៥ហិចតា ចំការដំឡូងមីចំនួន៤៧៨.៥ ហិចតា។ គ្រោះ រាំងស្ងួតធ្វើឱ្យខូចខាតដំណាំស្រូវចំនួន ៣,៤១៧ ហិចតា។ នៅក្នងសន្និបាត នេះរដ្ឋបាលឃុំ​ សង្កាត់​ និង​ប៉ុស្តិ៍​រដ្ឋបាលជាច្រេីនត្រូវបាន​ឯកឧត្តម​ទេសរដ្ឋមន្ត្រី​ ប្រគល់ប័ណ្ណសសេីរ      

ទេសរដ្ឋមន្ត្រី​ គន់​ គីម​ ប្រធានក្រុម​ការងារ​រាជរដ្ឋាភិបាល​ ចុះជួយខេត្ត​ឧត្តរមានជ័យ​ ជាអនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយ និងជាប្រធានកិត្តិយស​ សាខាកាកបាទ​ក្រហមខេត្ត​​ រួមជាមួយ​ ឯកឧត្តម​ អ៊ុយ​ សំអាត​ ប្រធាននាយកដ្ឋាន​គ្រប់គ្រង​គ្រោះ​មហន្តរាយ​នៃកាកបាទក្រហម​ កម្ពុជា​ បាននាំយកអំណោយ​សម្តេច​កិត្តិព្រឹទ្ធ​បណ្ឌិត​ ប្រធានកាកបាទក្រហមកម្ពុជា​ ទៅចែកជូនបងប្អូនប្រជាពលរដ្ឋ ដែលងាយរងគ្រោះចំនួន​ ២២១គ្រួសារ​ នៅស្រុក​អន្លង់វែង​ ។     ល្ងាចថ្ងៃ​ទី២​ ខែមិនា​ ឆ្នាំ២០២០​ ទេសរដ្ឋមន្ត្រី​ គន់​ គីម​ ប្រធានក្រុម​ការងារ​រាជរដ្ឋាភិបាល​ ចុះជួយខេត្ត​ឧត្តរមានជ័យ​ ជាអនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយ និងជាប្រធានកិត្តិយស​ សាខាកាកបាទ​ក្រហមខេត្ត​​ រួមជាមួយ​ ឯកឧត្តម​ អ៊ុយ​ សំអាត​ ប្រធាននាយកដ្ឋាន​គ្រប់គ្រង​គ្រោះ​មហន្តរាយ​នៃកាកបាទក្រហម​ កម្ពុជា​  បាននាំយកអំណោយ​សម្តេច​កិត្តិព្រឹទ្ធ​បណ្ឌិត​ ប្រធានកាកបាទក្រហមកម្ពុជា​ ទៅចែកជូនបងប្អូនប្រជាពលរដ្ឋ ដែលងាយរងគ្រោះចំនួន​ ២២១គ្រួសារ​ នៅស្រុក​អន្លង់វែង​ ។  ឯកឧត្ដម​ អ៊ុយ​ សំអាត​ បានលើកឡេីងថា​ សម្តេច​កិត្តិព្រឹទ្ធ​បណ្ឌិត​ ប្រធានកាកបាទក្រហមកម្ពុជា​​ តែងតែគិតគូដល់បងប្អូនយេីងជាក់ស្តែងថ្ងៃនេះ​សម្តេច​កិត្តិព្រឹទ្ធ​បណ្ឌិត​ បានអោយ​ឯកឧត្តម​ នាំអំណោយមកចែកជូនបងប្អូនយេីង។        ជំនួសមុខប្រជាពលរដ្ឋ​ដែលទទួលបានអំណោយក្នុងពេលនេះ​ ឯកឧត្តម​ គន់​ គីម​ ប្រធានកិត្តិយស​ សាខាកាកបាទ​ក្រហមខេត្ត​ បានថ្លែងអំណរគុណយ៉ាងជ្រាលជ្រៅចំពោះ​ សម្តេច​កិត្តិព្រឹទ្ធ​បណ្ឌិត​ ដែលបានផ្តល់អំណោយដល់អ្នកងាយរងគ្រោះនៅស្រុកត្រពាំងប្រាសាទ​ និងស្រុកអន្លង់វែង​ ៤៣០គ្រួសារ​ និង​ សូមជូនពរអោយសម្តេច​ទាំងពីរ​   ព្រមទាំងក្រុមគ្រួសារ​ បានសេចក្តីសុខសប្បាយ​ ជោគជ័យ​គ្រប់ការងារ​។  ឯកឧត្ដម​ ក៏បានសុំអោយបងប្អូន​ប្រជាពលរដ្ឋ​យេីងត្រូវយកចិត្តទុកដាក់ថែរក្សាសុខភាព​ផ្ទាល់ខ្លួន​       និងត្រូវប្រុង​ប្រយ័ត្ន​ចំពោះអគ្គីភ័យ​ នៅក្នុងរដូវប្រាំងនេះ។        

          (កំពង់ធំ)៖ ប្រទេសកម្ពុជា ជាប្រទេសមួយដែលទទួលការជន់លិចដោយទឹកទន្លេមេគង្គ និងជំនន់ទឹកភ្លៀងស្ទើរតែជារៀងរាល់ឆ្នាំ។ ការជន់លិចនេះ ក្រៅតែពីធ្វើឱ្យប៉ះពាល់ដល់ផលដំណាំហើយ វាក៏បានបង្កការជន់លិចផ្ទះសម្បែងរបស់ប្រជាពលរដ្ឋផងដែរ។ នៅពេលមានទឹកជំនន់ម្តងៗប្រជាពលរដ្ឋរាប់រយគ្រួសារត្រូវបានជម្លៀសទៅរកទីទួលសុវត្ថិភាព។ បញ្ហាប្រឈមរបស់ពួកគេពេលជម្លៀសទៅទីទួលសុវត្ថិភាពនោះ គឺខ្វះទីជម្រក ខ្វះបង្គន់អនាម័យ និងខ្វះទឹកស្អាតប្រើប្រាស់ជាដើម។ ដើម្បីដោះស្រាយបញ្ហាប្រឈមនេះ រាជរដ្ឋាភិបាលកម្ពុជា តាមរយៈគណៈកម្មាធិការជាតិគ្រប់គ្រងគ្រោះមហន្តរាយ ដោយមានកិច្ចគាំទ្រពីអង្គការស្បៀងអាហារពិភពលោក ក្រោមការជ្រោមជ្រែងពីរដ្ឋាភិបាលជប៉ុននោះ បានសម្រេចសាងសង់អគារទីទួលសុវត្ថិភាព ដើម្បីសម្រួលដល់ការស្នាក់អាស្រ័យរបស់ប្រជាពលរដ្ឋពេលជម្លៀសពីទឹកជំនន់។ តាមរយៈកិច្ចសហប្រតិបត្តិការរវាងគណៈកម្មាធិការជាតិគ្រប់គ្រងគ្រោះមហន្តរាយ និងអង្គការស្បៀងអាហារពិភពលោក ក្រោមការជួយឧបត្ថម្ភថវិកាដោយរដ្ឋាភិបាលជប៉ុននោះ អគារទីទួលសុវត្ថិភាពចំនួន៦ហើយ ត្រូវបានសាងសង់រួចរាល់ ដោយចំណាយថវិកាជាង ១លានដុល្លារអាមេរិក។ ខេត្តដែលត្រូវបានសាងសង់អគារទីទួលសុវត្ថិភាពនេះ រួមមានខេត្តពោធិ៍សាត់ កំពង់ធំ និងកំពង់ឆ្នាំង។ ទីទួលសុវត្ថិភាពនេះ ត្រូវបានធ្វើឡើងស្របតាមបទដ្ឋានអន្តរជាតិ ដោយមានបំពាក់ឧបករណ៍ការពាររន្ទះ, ផ្ទះបាយ, បន្ទប់ទឹកស្រី-ប្រុស, កន្លែងផ្គត់ផ្គង់ទឹកស្អាតប្រើប្រាស់, កន្លែងបោក និងអាលខោអាវ, កន្លែងលាងដៃ, កន្លែងក្មេងលេង, ឃ្លាំងសម្ភារៈ និងបំពាក់ម៉ាស៊ីនភ្លើងជាដើម។ អគារទីទួលសុវត្ថិភាពក្នុងខេត្តពោធិ៍សាត់ត្រូវបានសម្ពោធដាក់ឱ្យប្រើប្រាស់នៅថ្ងៃទី២១ ខែឧសភា ឆ្នាំ២០២១។ រីឯអគាទីទួលសុវត្ថិភាពក្នុងខេត្តកំពង់ធំ ត្រូវបានសម្ពោធដាក់ឱ្យប្រើប្រាស់នៅថ្ងៃទី២២ ខែឧសភា ឆ្នាំ២០២១នេះ ក្រោមអធិបតីភាពលោកទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ, លោក ការិម៉ាតា អាត្សឹស៊ី ឧបការីស្ថានទូតជប៉ុន និងលោកស្រី ឃ្លែរ ខូណាន់ នាយិកាអង្គការកម្មវិធីស្បៀងអាហារពិភពលោកប្រចាំកម្ពុជា។ កម្មវិធីនេះ ក៏មានការចូលរួមពីលោក សុខ លូ អភិបាលខេត្តកំពង់ធំ ព្រមទាំងមន្ត្រីរាជការក្នុងខេត្តមួយចំនួនទៀត។ លោកទេសរដ្ឋមន្ត្រី គន់ គីម បានថ្លែងអបអរសាទរចំពោះសមិទ្ធផលអគារទីទួលសុវត្ថិភាពទាំងនេះ។ លោកបានលើកឡើងថា រាជរដ្ឋាភិបាលកម្ពុជា ដែលដឹកនាំដោយសម្តេចតេជោ ហ៊ុន សែន តែងតែគិតគូរខ្ពស់លើការងារប្រយុទ្ធប្រឆាំងនឹងគ្រោះមហន្តរាយ។ បន្ថែមពីលើនោះ ជារៀងរាល់ឆ្នាំនៅពេលមានគ្រោះមហន្តរាយ ដូចជាករណីជំនន់ទឹកភ្លៀងកាលពីឆ្នាំ២០២១ សម្តេចតេជោ ហ៊ុន សែន និងមន្ត្រីជាសេនាធិការបានស្រុះគ្នាក្នុងការជួយដល់ប្រជាពលរដ្ឋ។ លោកទេសរដ្ឋមន្ត្រី គន់ គីម បានហៅការបង្កើតឡើងនូវអគារទីទួលសុវត្ថិភាពនេះ គឺជាការគិតគូរ និងឆ្លើយតបមួយជំហានទៀតរបស់រាជរដ្ឋាភិបាលកម្ពុជា ដើម្បីដោះស្រាយការលំបាករបស់ប្រជាពលរដ្ឋនៅពេលជួបទឹកជំនន់នោះ។ លោកទេសរដ្ឋមន្ត្រី បានថ្លែងយ៉ាងដូច្នេះ «គ្រោះមហន្តរាយធម្មជាតិនៅលើពិភពលោក គឺកាន់តែស្រួចស្រាវ ដែលពិបាកនឹងទៅហាមឃាត់ចំពោះគ្រោះមហន្តរាយទាំងនេះ។ តែអ្វីដែលយើងអាចធ្វើបាន គឺយើងត្រូវប្រឹងរិះរកវិធីធ្វើយ៉ាងណា ដើម្បីឆ្លើយតបគ្រោះមហន្តរាយនោះឱ្យបានទាន់ពេលវេលា។ ជាពិសេសជួយប្រជាពលរដ្ឋពីគ្រោះមហន្តរាយកុំឱ្យមានអ្នកស្លាប់ និងមានកន្លែងស្នាក់នៅឱ្យបានសមរម្យ»។ «អគារទីទួលសុវត្ថិភាពនេះ ជាការឆ្លើយតបរបស់រាជរដ្ឋាភិបាលទៅនឹងគ្រោះមហន្តរាយ ដើម្បីផ្តល់កន្លែងស្នាក់អាស្រ័យបណ្តោះអាសន្នឱ្យបានសមរម្យពេលពួកគាត់ជម្លៀសចេញពីផ្ទះសម្បែង»។ នេះជាការបញ្ជាក់បន្ថែមរបស់លោកទេសរដ្ឋមន្ត្រី គន់ គីម។ លោកស្រី ឃ្លែរ ខូណាន់ នាយិកាអង្គការកម្មវិធីស្បៀងអាហារពិភពលោកប្រចាំកម្ពុជា បានលើកឡើងថា ប្រទេសកម្ពុជា គឺជាប្រទេសមួយក្នុងចំណោមប្រទេសដែលងាយទទួលរងផលប៉ះពាល់ពីការប្រែប្រួលធាតុអាកាស ដូចជាទឹកជំនន់ និងគ្រោះរាំងស្ងួត។ លោកស្រីបន្តថា ការស្ថាបនាមជ្ឈមណ្ឌលទាំងនេះ គឺជាផ្នែកមួយនៃភាពជាដៃគូយូរអង្វែងរវាងកម្មវិធីស្បៀងអាហារពិភពលោក និងគណៈកម្មាធិការជាតិគ្រប់គ្រងគ្រោះមហន្តរាយ និងដើម្បីពង្រឹងការត្រៀម និងការឆ្លើយតបជាបន្ទាន់នៅក្នុងប្រទេស។ ប្រទេសជប៉ុនគឺជាដៃគូដ៏រឹងមាំរបស់កម្មវិធិស្បៀងអាហារពិភពលោក។ ក្នុងរយៈពេលមួយទសវត្សរ៍ចុងក្រោយនេះ ប្រទេសជប៉ុន បានចូលរួមផ្តល់វិភាគទានជាថវិកាចំនួនជាង ២២លានដុល្លាអាមេរិក ដើម្បីលើកកម្ពស់សន្តិសុខស្បៀងនិងអាហារូបត្ថម្ភ និងគ្រោះមហន្តរាយនៅកម្ពុជា។ លោក ការិម៉ាតា អាត្សឹស៊ី ឧបការីស្ថានទូតជប៉ុន បានថ្លែងក្នុងពិធីនោះថា គម្រោងផ្តល់ហិរញ្ញប្បទានដោយប្រទេសជប៉ុន និងអនុវត្តដោយកម្មវិធីស្បៀងអាហារពិភពលោកមានគោលបំណងកាត់បន្ថយហានិភ័យគ្រោះមហន្តរាយនៅតាមតំបន់ងាយរងគ្រោះដោយទឹកជំនន់ មានដូចជាការសាងសង់មជ្ឈមណ្ឌលជម្លៀសជនរងគ្រោះ, បណ្តុះបណ្តាលមន្ត្រីស្តីពីការគ្រប់គ្រងហានិភ័យគ្រោះមហន្តរាយរួមមានការវាយតម្លៃហានិភ័យ និងការឆ្លើយតបជាបន្ទាន់ និងបង្កើតប្រព័ន្ធព័ត៌មានគ្រប់គ្រងគ្រោះមហន្តរាយសម្រាប់ការជម្លៀសជាដើម។ លោក ការិម៉ាតា អាត្សឹស៊ី បានបន្ថែមថា រដ្ឋាភិបាលជប៉ុនមានមោទនភាពក្នុងការជួយសហគមន៍កម្ពុជា ក្នុងការកសាងភាពធន់ទប់ទល់ការប្រឈមនឹងគ្រោះថ្នាក់ធម្មជាតិ។ មន្ត្រីជាន់ខ្ពស់ស្ថានទូតជប៉ុនរូបនេះ ក៏បានផ្តល់ទស្សនៈឱ្យកម្ពុជា ត្រៀមខ្លួនឱ្យបានកាន់តែប្រសើរថែមទៀតលើការដោះស្រាយបញ្ហាគ្រោះមហន្តរាយ ដូចជាការធ្វើលំហាត់សមយុទ្ធនានា ដើម្បីត្រៀមជួយសង្គ្រោះជនរងគ្រោះពេលមានគ្រោះមហន្តរាយ។ លោកឧបការីទូតជប៉ុន បានលើកឡើងថា បច្ចុប្បន្នកម្ពុជាប្រឈមមុខនឹងស្ថានភាពកាន់តែលំបាកថែមទៀតមិនត្រឹមតែដោយសារទឹកជំនន់ប៉ុណ្ណោះទេ រួមទាំងជំងឺរាតត្បាតកូវីដ១៩ផងដែរ។ លោកសង្ឃឹមថា មជ្ឈមណ្ឌលទាំងនេះ មិនត្រឹមតែប្រើសម្រាប់ជម្លៀសពលរដ្ឋពេលមានទឹកជំនន់នោះទេ តែក៏អាចប្រើក្នុងករណីចាំបាច់ដទៃទៀត ដូចជាការចាក់វ៉ាក់សាំងជាដើម។ លោកទេសរដ្ឋមន្ត្រី គន់ គីម បានថ្លែងអំណរគុណអង្គការស្បៀងអាហារពិភពលោក និងរដ្ឋាភិបាលជប៉ុន ដែលតែងតែជួយគាំទ្រដល់ការងារគ្រប់គ្រង និងឆ្លើយតបចំពោះគ្រោះមហន្តរាយ ដូចជាការផ្តល់ថវិកាជួយសាងសង់អគារទីទួលសុវត្ថិភាពនេះជាដើម។ លោកទេសរដ្ឋមន្ត្រី បានបន្តអំពាវនាវដល់អង្គការស្បៀងអាហារពិភពលោក និងរដ្ឋាភិបាលជប៉ុន បន្តជួយសាងសង់អគារទីទួលសុវត្ថិភាព នៅតាមបណ្តាខេត្តជាប់បឹងទន្លេសាប និងខេត្តតាមដងទន្លេមេគង្គ ដែលសុទ្ធជាតំបន់ងាយរងគ្រោះដោយទឹកជំនន់ន។ ក្នុងឱកាសនោះ លោកទេសរដ្ឋមន្ត្រី គន់ គីម បានក្រើនរំលឹកមន្ត្រីគណៈកម្មាធិការជាតិគ្រប់គ្រងគ្រោះមហន្តរាយ និងមន្ត្រីខេត្តយកចិត្តទុកដាក់ថែទាំអគារទីទួលសុវត្ថិភាពនេះឱ្យបានល្អប្រសើរ ដើម្បីបម្រើភាពចាំបាច់ពេលមានគ្រោះមហន្តរាយ៕                

  (ក្រចេះ)៖ លោកទេសរដ្ឋមន្ត្រី គន់ គីម អនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃទី២២ ខែកុម្ភៈ ឆ្នាំ២០២០នេះ បានធ្វើដំណើរចុះទៅកាន់ខេត្តក្រចេះ ដើម្បីពិនិត្យរៀបចំចាត់ចែងការរៀបចំទីទួលសុវត្ថិភាពសម្រាប់ជម្លៀសប្រជាពលរដ្ឋពេលមានទឹកជំនន់នៅរដូវវស្សា និងពិនិត្យមើលការដ្ឋានធ្វើច្រាំងទន្លេកុំឱ្យបាក់នៅក្នុងខេត្តក្រចេះ។       ប្រជាពលរដ្ឋក្នុងឃុំបុស្សលាវ ស្រុកចិត្តបុរី ខេត្តក្រចេះ ដែលមានចំនួនសរុបប្រមាណ ១,៩៨៨គ្រួសារ តែងតែជួបគ្រោះទឹកជំនន់ក្នុងរដូវវស្សាជារៀងរាល់ឆ្នាំ។ក្នុងឃុំនេះមានភូមិចំនួន ៨ភូមិ ស្មើនឹងប្រមាណ ៣០០គ្រួសារ តែងពឹងអាស្រ័យលើទីទួលសុវត្ថិភាពនារដូវទឹកជំនន់។ ទួលសុវត្ថិភាព «ទួលតាឃីន» មានទំហំ ២៤០ហិកតា ដែលជាទីតាំងខ្ពស់ល្អ អាចឱ្យប្រជាពលរដ្ឋស្នាក់នៅ និងយកគោក្របីជាង ៤,០០០ក្បាល មកថែរក្សានៅទីទួលសុវត្ថិភាពនេះនារដូវទឹកឡើងជារាងរាល់ឆ្នាំ ហើយនៅពេលរដូវទឹកសម្រកទើបពួកគាត់វិលត្រទ្បប់ទៅលំនៅដ្ឋានដើម្បីបង្កបង្កើនផលជាធម្មាតា។ ក្នុងពេលចុះពិនិត្យទីទួលនេះ លោកទេសរដ្ឋមន្ត្រី គន់ គីម បានលើកទ្បើងថា សម្តេចតេជោ និង សម្តេចកិត្តិព្រឹទ្ធបណ្ឌិតជានិច្ចជាកាលតែងយកចិត្តទុកដាក់លេីការងារគ្រោះមហន្តរាយ ដែលកេីតមានជាយថាហេតុ និងគ្រប់ពេលវេលា ដូច្នេះការប្រុងប្រៀប និងបង្កាទុកជាមុន ជាកត្តាល្អបំផុត។ លោកទេសរដ្ឋមន្ត្រី បានជំរុញឱ្យគណៈកម្មាធិការជាតិ គ្រប់គ្រងគ្រោះមហន្តរាយ និងកាកបាទក្រហមកម្ពុជា សហការជាមួយអាជ្ញាធរដែនដីចុះជួយដោះស្រាយភ្លាមៗទាន់សភាពការណ៍។     លោកទេសរដ្ឋមន្ត្រី គន់ គីម ក៏បានសំណូមពរឱ្យអាជ្ញាធរដែនដី ជួយថែរក្សារទីទួលសុវត្ថិភាពនេះឱ្យបានល្អ និងរៀបចំផ្លូវ ដីឡូត៍សម្រាប់ប្រជាពលរដ្ឋ រៀបចំទឹកស្អាត បង្គន់អនាម័យ ត្រៀមបម្រុងសម្រាប់ពេលមានទឹកជំនន់ក្នុងរដូវវស្សា។ លោក គន់ គីម ក៏បាននែនាំឱ្យអាជ្ញាធរ យកចិត្តទុក្ខដាក់ខ្ពស់លើគ្រួសារដែលងាយរងគ្រោះ ដូចជាជនពិការ កុមារ ស្រ្តី និងចាស់ជរា គ្មានទីពឹង និងត្រូវថែរក្សាការពារទីទួលសុវត្ថិភាពនេះកុំឱ្យមានការកាប់ទន្រ្ទានយកដីអនាធិបតេយ្យ។ បន្ទាប់ពីចុះពិនិត្យទីទួលសុវត្ថិភាពបម្រុងទុកជម្លៀសប្រជាពលរដ្ឋនារដូវវស្សារួចហើយនោះ លោកទេសរដ្ឋមន្ត្រី គន់ គីម ក៏បានចុះពិនិត្យការដ្ឋានទប់ច្រាំងទន្លេបាក់មុខសាលាខេត្តក្រចេះ។ ច្រាំងទន្លេនៅមុខសាលាខេត្តក្រចេះ បានរងការបាក់ស្រុតកាលពីរដូវកន្លងទៅប្រវែងប្រមាណ ២០០ម៉ែត្រ។ បច្ចុប្បន្នក្រុមការងារកំពុងសាងសង់ច្រាំងនេះឡើងវិញ បេីគ្មានការជួសជុលទេ នៅរដូវវស្សាខាងមុខ ច្រាំងនេះនឹងបន្តបាក់ហើយអាចឈានដល់បាក់ដាច់ថ្នល់មាត់ទន្លេថែមទៀតផង។ ក្នុងឱកាសនោះលោកទេសរដ្ឋមន្ត្រី បានលេីកសសេីរដល់ក្រុមការងារក្រសួងធនធានទឹក ដែលបានយកចិត្តទុកដាក់ខិតខំធ្វេីការងារយ៉ាងយកចិត្តទុកដាក់សាងសង់ច្រាំងនេះ។     ជំនួសមុខឱ្យប្រជាពលរដ្ឋខេត្តក្រចេះ លោកទេសរដ្ឋមន្ត្រី បានគោរពថ្លែងអំណរគុណយ៉ាងជ្រាលជ្រៅចំពោះសម្តេចតេជោនាយករដ្ឋមន្ត្រី ដែលបានអនុញ្ញាតឱ្យក្រសួងធនធានទឹកចាត់វិធានការទប់ស្កាត់កាត់បន្ថយបានហានិភ័យ។ លោកទេសរដ្ឋមន្ត្រី ក៏បានលេីកសសេីរលោក លឹម គានហោ ដែលសកម្មក្នុងការចាត់តាំងក្រុមការងារឱ្យចុះមកអនុវត្តភ្លាមៗ ទប់ស្កាត់មិនឱ្យមានការបាក់ថែមទៀត៕  

  IFQ No NCDMS / 9178-CAM / CBDRR / MB-01/16 ចេញថ្ងៃទី ២៨ ខែមីនាឆ្នាំ ២០១៦ ការអញ្ជើញសម្រាប់កូដ រាជរដ្ឋាភិបាលកម្ពុជាបានទទួលជំនួយឥតសំណងពីធនាគារអភិវឌ្ឍន៍អាស៊ីសម្រាប់គម្រោងកាត់បន្ថយហានិភ័យគ្រោះមហន្តរាយតាមសហគមន៍ ហើយគម្រោងបំណងដំណើរការដកថវិការមួយផ្នែកដើម្បីការទូទាត់ក្រោមកិច្ចសន្យាសម្រាប់ការផ្គត់ផ្គង់ម៉ូតូចំនួន ៨គ្រឿង ។ លក្ខណៈសម្បត្តិរបស់អ្នកដេញថ្លៃ និងទំនិញ និងសេវាកម្មដែលត្រូវបានផ្តល់ជូនគឺស្ថិតនៅក្រោមច្បាប់នៃធនាគារអភិវឌ្ឍន៍អាស៊ី (ADB) ។ (សូមទាញឯកសារខាងក្រោម) http://ncdm.gov.kh/PdfAnnouncementPost/GetPdf?fileName=NCDMS-9178-CAM-CBDRR-MB-01-BelowAdvertising.final.pdf